Университетте оқытушылар мен қызметкерлерге арналған Жазғы мектеп өз жұмысын аяқтады. Бағдарлама екі кезеңде өтті: бірінші кезең – 2026 жылғы 12–15 маусым, екінші кезең – 2026 жылғы 22–26 маусым аралығында.
Жазғы мектеп – профессор-оқытушылар құрамы мен университет қызметкерлерінің үздіксіз кәсіби дамуына бағытталған дәстүрлі интерактивті алаң.
Биылғы бағдарламаның негізгі бағыты – білім беру үдерісіне заманауи генеративті жасанды интеллект (Generative AI) құралдарын интеграциялау және академиялық адалдық қағидаттарын сақтау болды.
Оқыту офлайн форматтағы қарқынды воркшоптар, пікірталастар және практикалық жобалар түрінде ұйымдастырылды. Жазғы мектептің спикерлері Caspian University Инженерия институтының оқытушылары – Нурпеисова Гүлнара Байболовна, Арын Арай Болатовна, Инков Денис Олегович және Гезлер Джонатан.
Бағдарламаны сәтті аяқтаған барлық қатысушыларға біліктілікті арттыру туралы сертификаттар табысталды. Бағдарлама барысында алынған жаңа білім мен практикалық дағдылар профессор-оқытушылар құрамының жаңа оқу жылындағы білім беру қызметінде кеңінен қолданылатын болады.
Университет барлық спикерлерге кәсіби тәжірибесімен бөліскені үшін, ал тыңдаушыларға жоғары белсенділігі мен кәсіби дамуға деген ұмтылысы үшін шынайы алғысын білдіреді!
