Құрметті әріптестер мен университет қонақтары!
Сіздерге университетіміздің ғылыми өміріндегі маңызды оқиға туралы зор қуанышпен хабарлаймыз. Caspian University жанындағы «Әділет» Жоғары құқық мектебінің жетекші рецензияланатын заң журналы – «Әділет ғылыми еңбектері» журналы өзінің жаңартылған ресми веб-сайтын іске қосты.
Енді журналдың ағымдағы және мұрағат сандарымен танысу, сондай-ақ жарияланымға мақалалар ұсыну үдерісі бұрынғыдан да ыңғайлы бола түсті. Баршаңызды журналдың жаңа порталын көруге шақырамыз: https://ojs.adlet-nt.kz/index.php/nt/Information
Сайтта авторларға арналған толық ақпарат, соның ішінде мақалаларды рәсімдеу талаптары мен жариялау құны, сондай-ақ журналдың соңғы сандарын жүктеу мүмкіндігі ұсынылған. 1996 жылдан бері жарық көріп келе жатқан журнал заң ғылымы саласында ғылыми білімді тарату және ұлттық әрі халықаралық деңгейде заңгер-ғалымдар арасында тәжірибе алмасуға ықпал ету миссиясын табысты жалғастыруда.
Сіздерді сайттың жаңа мүмкіндіктерін тиімді пайдалануға және ғылыми қауымдастығымыздың қызметіне белсенді қатысуға шақырамыз!
Құрметпен,
«Әділет ғылыми еңбектері» журналының редакциясы
